వరంగల్ నగరంలోని ఓ ప్రైవేట్ మెడికల్ కళాశాలకు జాతీయ వైద్య కమిషన్ షాక్ ఇచ్చింది. నగరంలోని ఫాదర్ కొలంబో మెడికల్ కాలేజీ గుర్తింపును రద్దు చేస్తున్న నిర్ణయం తీసుకుంది. లంచాల కేసులో యాజమాన్యంపై వచ్చిన ఆరోపణల నేపథ్యంలో కమిషన్ ఈ నిర్ణయం తీసుకున్నట్లు తెలుస్తోంది. అయితే 2025-26 విద్యాసంవత్సరానికి ప్రవేశాలను నిలిపివేస్తూ కమిషన్ అధికారిగా ఉత్తర్వులు జారీ చేసింది. ఈ నిర్ణయంతో కళాశాలలో చదువుతున్న విద్యార్థులు ఆందోళన చెందుతున్నారు.