నిర్మల్ జిల్లా ఎస్పీ జానకి షర్మిల ఆదేశాల మేరకు మామడ మండలంలోని కమల్కోట్ గ్రామంలో పోలీసులు కాటన్ సెర్చ్ ఆపరేషన్ నిర్వహించారు. అనుమతులు లేకుండా నడుపుతున్న 70 ద్విచక్ర వాహనాలు, ఒక ఆటోను స్వాధీనం చేసుకుని, సంబంధిత ట్రాఫిక్ నిబంధనల ప్రకారం జరిమానాలు విధించారు. ఈ సందర్భంగా నిర్మల్ ఏఎస్పీ రాజేష్ మీనా మాట్లాడుతూ, సైబర్ నేరాలు, ట్రాఫిక్ సమస్యలు, నిషేధిత మత్తు పదార్థాల వినియోగం, CCTV కెమెరాల ప్రాముఖ్యత, మద్యం సేవనం, మైనర్లచే వాహనాల నడపడం వంటి అంశాలపై ప్రజలకు అవగాహన కల్పించారు. ఆస్తి సంబంధిత నేరాల నివారణలో ప్రజల సహకారం కీలకమని స్పష్టం చేశారు.