కనిగిరి మున్సిపాలిటీ పరిధిలోని పులి వెంకటరెడ్డి పార్క్ లో గల వ్యాయామ పరికరాలు మరమ్మత్తులకు గురయ్యాయి. దీంతో వ్యాయామం చేసేందుకు ప్రజలు ఇబ్బంది పడుతున్నారు. నిత్యం వ్యాయామం చేయండి ఆరోగ్యంగా జీవించండి అని చెప్పే అధికారులు, పాలకులు ఆ దిశగా సౌకర్యాలు కల్పించడం లేదని ప్రజలు విమర్శిస్తున్నారు. ఇప్పటికైనా స్పందించి పార్కులో పరికరాల మరమ్మత్తులు చేపట్టాలని కోరుతున్నారు.