తమ అణు కేంద్రాలపై అమెరికా జరిపిన దాడులకు ఇరాన్ నిన్న ప్రతీకార దాడులకు దిగిన విషయం తెలిసిందే. ఖతార్ లోని అమెరికా అతిపెద్ద వైమానిక స్థావరం అల్ ఉదెయిద్‌పై ఇరాన్ క్షిపణులతో విరుచుకుపడింది. ఈ సందర్భంగా ఇరాన్ కు అమెరికా ప్రెసిడెంట్ డొనాల్డ్ ట్రంప్ ధన్యవాదాలు తెలిపాడు. అల్ ఉదెయిద్‌పై దాడులకు సంబంధించి ఇరాన్ ముందస్తు సమాచారం ఇచ్చిందని చెప్పారు. ఈ సమాచారం వల్లే ఖతార్ లో ప్రాణనష్టాన్ని నివారించగలిగామని పేర్కొన్నారు.