ప్రముఖ నటుడు అక్కినేని నాగార్జున, విలక్షణ దర్శకుడు శేఖర్ కమ్ముల కాంబినేషన్‌లో తెరకెక్కుతున్న చిత్రం ‘కుబేర’. ఈ సినిమాలో తమిళ స్టార్ హీరో ధనుష్, రష్మిక మందన్న కూడా ప్రధాన పాత్రలు పోషిస్తున్నారు. భారీ అంచనాలతో రూపొందుతున్న ఈ సినిమా గురించి నాగార్జున తాజాగా కొన్ని ఆసక్తికరమైన విషయాలు పంచుకున్నారు. చెన్నైలో జరిగిన ఓ మీడియా సమావేశంలో ఆయన మాట్లాడుతూ, ‘కుబేర’లో తాను ఒక సీబీఐ ఆఫీసర్ పాత్రలో కనిపించనున్నట్లు తెలిపారు.