చోడవరం ఎమ్మెల్యే కేఎస్ఎన్ఎస్ రాజు ఆదేశాల మేరకు గండి కాలనీలో ఎన్టీఆర్ భరోసా పెన్షన్ల పంపిణీ కార్యక్రమం నిర్వహించారు. వితంతువులు, ఒంటరి మహిళలు, దివ్యాంగులు, వృద్ధులకు ప్రభుత్వం అందిస్తున్న పెన్షన్లను పంపిణీ చేశారు. ఈ సందర్భంగా గండి ముత్యాలమ్మకు కొత్తగా వితంతు పెన్షన్ అందజేశారు. కార్యక్రమంలో ఎంపీడీవో రాజు, ఈవో గంగాధర్, మాజీ ఎంపీటీసీ కొట్టాపు రూపాదేవి చిన్న, సచివాలయ సిబ్బంది, అధికారులు పాల్గొన్నారు.