టీజీఈసెట్ ప‌రీక్షా ఫ‌లితాల‌ను విడుద‌ల చేశారు ఉన్నత విద్య మండలి చైర్మన్ బాలకృష్ణారెడ్డి. పాలిటెక్నిక్, బీఎస్సీ మ్యాథ్య్ విద్యార్థులు బీటెక్, బీ.ఫార్మసీ కోర్సుల్లో చేరేందుకు ఈ నెల 12న ప‌రీక్ష నిర్వ‌హించారు. మొత్తం 18,998 మంది విద్యార్థులు రాశారు. బీఎస్సీ మ్యాథ్స్ లో సంతోష్ కుమార్, కెమికల్ ఇంజినీరింగ్ లో తేజ సాయి, సివిల్ ఇంజినీరింగ్ లో నిఖిల్ కౌశిక్, కంప్యూటర్ సైన్స్ ఇంజినీరింగ్ లో శ్రీకాంత్, ఎలక్ట్రానిక్స్ , కమ్యూనికేషన్ ఇంజినీరింగ్ లో రేవతి, ఎలక్ట్రికల్ , ఎలక్ట్రానిక్స్ ఇంజినీరింగ్ లో కాసుల శ్రావణి, మెకానికల్ ఇంజినీరింగ్ లో పోతూ గంటి కార్తిక్, మైనింగ్ ఇంజినీరింగ్ లో కుర్మా అక్షయ, ఫార్మసీలో ఐలి చందన టాప్ లో నిలిచారు.