డిప్యూటీ సీఎం ప‌వ‌న్ క‌ళ్యాణ్ గ‌త కొంత కాలంగా అనారోగ్యంతో బాధ ప‌డుతున్నారు. మంగ‌ళ‌గిరి నుంచి హైద‌రాబాద్ కు విచ్చేశారు. స్థానిక అపోలో ఆస్ప‌త్రిలో చేరారు. ఆరోగ్యానికి సంబంధించి వైద్య ప‌రీక్ష‌లు చేయించుకున్నారు. అపోలో లోని వైద్య బృందం స్కాన్‌లతో సహా వివిధ పరీక్షలు నిర్వహించి, నివేదికలను పరిశీలించింది. వారి అంచనా ఆధారంగా, వైద్యులు పవన్ కళ్యాణ్‌కు అనేక వైద్య సిఫార్సులను అందించారు. అదనపు పరీక్షలు నిర్వహించాల్సిన అవసరం ఉందని వారు సూచించారు.