కరీంనగర్ జగిత్యాల ప్రధాన రోడ్డులోని మల్యాల క్రాస్ రోడ్డు వద్ద యాక్సిడెంట్ జరిగింది. జగిత్యాల నుంచి కరీంనగర్ వైపు వస్తున్న డీసీఎం.. కరీంనగర్ నుంచి జగిత్యాల వైపు వెళ్తున్న లారీ, ఆర్టీసీ బస్సును ఢీకొట్టింది. ఈ ఘటనలో డీసీఎం ముందు భాగం దెబ్బతింది. బస్సులోని ప్రయాణికులు స్వల్ప గాయాలతో బయటపడ్డారు. ఘటనా స్థలానికి చేరుకున్న పోలీసులు ట్రాఫిక్ క్లియర్ చేస్తున్నారు.
