జగిత్యాల జిల్లా మల్లాపూర్ మండలం వీవీరావుపేట, గొర్రెపల్లి, పాత దాంరాజుపల్లి గ్రామాల్లో శ్రీ లక్ష్మీనరసింహస్వామి జాతర ఉత్సవాలు బుధవారం ఘనంగా నిర్వహించారు. దేవాలయంలో ప్రత్యేకంగా అలంకరించిన వేదికపై స్వామివారి కళ్యాణం జరిపించారు. ఈ ఉత్సవాలకు హాజరైన కోరుట్ల ఎమ్మెల్యే సంజయ్ కు గ్రామస్థులు పూర్ణకుంభంతో స్వాగతం పలికారు. కళ్యాణ ఉత్సవాల అనంతరం భక్తులకు అన్నదానం చేశారు.