ఉమ్మడి ఆదిలాబాద్ జిల్లా వ్యాప్తంగా ఎందరో ఓజా కళాకారులు ఉన్నారు. తాత తండ్రుల నుండి వారసత్వంగా వస్తున్న ఈ కళపైనే ఆధారపడి జీవనోపాధిని పొందుతున్నారు. తమ కళా నైపుణ్యంతో జీవకళ ఉట్టిపడేలా ఇత్తడి బొమ్మలను, ఇతర వస్తువులను అందంగా తీర్చిదిద్దుతున్నారు. ఇత్తడిని కరగించి తమ నైపుణ్యంతో పలు రకాల కళాకృతులను రూపొందిస్తుంటారు. అయితే ఈ ఇత్తడి బొమ్మలను రూపొందించిన కళాకారులను ఓజా కళాకారులని, వీరి కళను ''డొక్ర మెటల్ క్రాఫ్ట్'' అని పిలుస్తారు. ఈ కళకు దేశ విదేశాలలో మంచి ఆదరణ లభిస్తోంది.