సారంగాపూర్: రైతుల విద్యుత్ సమస్యల పరిష్కారం కోసం నవంబర్ 10న సారంగాపూర్ డివిజన్‌లో సీజీఆర్‌ఎఫ్ సమావేశం నిర్వహించనున్నట్లు భారతీయ కిసాన్ సంఘ్ జిల్లా అధ్యక్షుడు కాసార భూమారెడ్డి తెలిపారు. బీర్పూర్, సారంగాపూర్, రాయికల్, వడ్డిలింగాపూర్ పరిసర ప్రాంతాల రైతులు లూజ్ పోల్స్, డీడీలు చెల్లించినా సర్వీస్ నంబర్లు రాకపోవడం, విద్యుత్ స్తంభాల మంజూరు, అధిక విద్యుత్ బిల్లుల సమస్యలను సమావేశంలో అధికారుల దృష్టికి తీసుకురావాలని కోరారు. రైతులు ఈ అవకాశాన్ని సద్వినియోగం చేసుకోవాలని విజ్ఞప్తి చేశారు.