అమరావతి: అర్నబ్ తుపాను బాధితుల కోసం ఆంధ్రప్రదేశ్ ప్రభుత్వం పరిహార ప్యాకేజీ ప్రకటించింది. అర్హులైన ప్రతి బాధితుడికి పారదర్శకంగా సాయం అందిస్తామని ముఖ్యమంత్రి చంద్రబాబు నాయుడు తెలిపారు. తక్షణ సహాయం, ఇళ్ల నష్టం - మృతుల కుటుంబాలకు రూ. 5 లక్షలు. - ఇళ్లలోకి నీరు చేరిన కుటుంబాలకు 25 కేజీల బియ్యం; మత్స్యకారులు, చేనేత కార్మికులకు 50 కేజీలు. - ప్రతి కుటుంబానికి కందిపప్పు, పామాయిల్, ఉల్లిపాయలు, చక్కెర, బంగాళదుంపలు. - కుటుంబానికి రూ. 1,000–3,000 తక్షణ ఆర్థిక సాయం. - పాక్షికంగా దెబ్బతిన్న ఇంటికి రూ. 10,000. వ్యాపారాలు, వాహనాలు - కిరాణా దుకాణాలు, రెస్టారెంట్లు, సర్వీస్ షాపులు, చేతివృత్తుల వారికి రూ. 25,000. - తోపుడు బండ్లకు రూ. 20,000. - పరిశ్రమలకు టర్నోవర్‌ను బట్టి రూ. 50,000 నుంచి రూ. 1.50 లక్షల వరకు. - ద్విచక్ర వాహనానికి రూ. 3,000; ఆటోకు రూ. 10,000. మత్స్యకారులకు - పాక్షికంగా దెబ్బతిన్న వలల మరమ్మతులకు రూ. 5,000; కొత్త వలల కోసం రూ. 10,000. - మెకనైజ్డ్ కాని బోటు, వలలు పూర్తిగా దెబ్బతింటే రూ. 20,000; మెకనైజ్డ్ బోటుకు రూ. 25,000. - చేపల చెరువుల పునరుద్ధరణకు రూ. 18,000. పశువుల నష్టం - ఆవు/గేదెకు రూ. 50,000; దూడకు రూ. 25,000. - గొర్రె/మేకకు రూ. 7,500. - కోడికి రూ. 100 (ఒక్కో లబ్ధిదారునికి గరిష్ఠంగా రూ. 10,000). - పశువుల షెడ్‌కు రూ. 5,000. పంటల నష్టపరిహారం (హెక్టారుకు) - తమలపాకుకు రూ. 75,000. - అరటి, పసుపు, మిరప, జామ, బొప్పాయి, మామిడి, కాజు తదితర పంటలకు రూ. 35,000. - వరి, పత్తి, వేరుశనగ, కూరగాయలు, పూలు తదితర పంటలకు రూ. 25,000. - చెరకు మొదటి పంటకు రూ. 25,000. - సజ్జ, పప్పుధాన్యాలు, మొక్కజొన్న, రాగి, నువ్వులు తదితర పంటలకు రూ. 15,000. - ఆయిల్‌పామ్, కొబ్బరి చెట్టుకు రూ. 1,500. పునరుద్ధరణపై సీఎం సమీక్ష తుపాను కారణంగా ఐదుగురు మరణించడం బాధాకరమని చంద్రబాబు తెలిపారు. మూడు రోజుల్లో ఎనిమిది సమీక్షలు నిర్వహించి, సహాయక చర్యలను వేగవంతం చేశామని చెప్పారు. విద్యుత్, రహదారులు, తాగునీరు, పారిశుద్ధ్య పునరుద్ధరణకు చర్యలు చేపట్టినట్లు వెల్లడించారు. నష్టంపై ప్రాథమిక నివేదికను కేంద్రానికి పంపి, కేంద్ర బృందాన్ని పంపాలని కోరినట్లు తెలిపారు. క్షేత్రస్థాయిలో పర్యటించి బాధితులకు భరోసా కల్పిస్తానని సీఎం హామీ ఇచ్చారు.