అనకాపల్లి జిల్లా పోలీస్ కార్యాలయంలో పదవీ విరమణ పొందిన ఏఎస్ఐలకు ఆత్మీయ వీడ్కోలు కార్యక్రమం నిర్వహించారు. డీసీఆర్బీలో 36 ఏళ్ల పాటు సేవలందించిన ఎన్. ఫణిదత్తు, ఏ.కోడూరు పోలీస్‌స్టేషన్‌లో 37 ఏళ్ల సేవలందించిన అబ్దుల్ రెహమాన్‌ను అదనపు ఎస్పీ ఎల్. మోహనరావు శాలువాలతో సత్కరించి జ్ఞాపికలు అందజేశారు. పోలీస్‌ శాఖకు వారు అందించిన సేవలను ఈ సందర్భంగా కొనియాడారు. పదవీ విరమణ అనంతరం వారు ఆరోగ్యంగా, సుఖసంతోషాలతో జీవించాలని అదనపు ఎస్పీ ఆకాంక్షించారు.