జగిత్యాల పట్టణంలో సరికొత్త ఛార్జింగ్ స్టౌలు ఆకర్షిస్తున్నాయి. ఇవి సాధారణ గ్యాస్ పొయ్యిలాగే ఉన్నప్పటికీ, విద్యుత్ బ్యాటరీ, చిన్న మోటార్ సహాయంతో పని చేస్తాయి. వంటకు చిన్నపాటి పుల్లలు లేదా బొగ్గులను మాత్రమే ఉపయోగిస్తారు. స్టౌలో పుల్లలు వేసి బటన్ నొక్కగానే మోటార్ గాలిని పంపి మంటను వేగంగా రగిలిస్తుంది. దీనివల్ల పొగ తక్కువగా ఉండి, వంట త్వరగా పూర్తవుతుంది. ఒక్కో స్టౌ ధర ₹2,500. 3 గంటలు ఛార్జింగ్ చేస్తే గృహాల్లో 2-3 రోజులు వాడుకోవచ్చు. తక్కువ ఖర్చుతో కూడిన ఈ వినూత్న స్టౌలపై జనం ఆసక్తి చూపుతున్నారు.