మెట్‌పల్లిలోని జగ్గాసాగర్ ప్రాథమిక ఆరోగ్య కేంద్రంలో జాతీయ వైద్యుల దినోత్సవాన్ని ఘనంగా నిర్వహించారు. ఈ సందర్భంగా వైద్యాధికారులు డా. ఎల్లాల అంజిత్ రెడ్డి, డా. తాటిపర్తి శివానిలను గ్రామ ప్రజాప్రతినిధులు శాలువాలతో సత్కరించి సేవలను అభినందించారు. అనంతరం ఆసుపత్రిలో చికిత్స పొందుతున్న రోగులకు అరటిపండ్లు పంపిణీ చేశారు. వైద్యులు అందిస్తున్న సేవలు సమాజానికి ఎంతో విలువైనవని ఈ సందర్భంగా పలువురు కొనియాడారు. కార్యక్రమంలో సర్పంచ్, వార్డు సభ్యులు, గ్రామ పెద్దలు, గ్రామస్తులు పాల్గొని వైద్యులకు శుభాకాంక్షలు తెలిపారు.