సినిమా టైటిల్‌పై నెలకొన్న వివాదానికి ‘ఇడుపు కాయితం’ నిర్మాత బన్నీ వాస్ స్పందించారు. కథ, దాని నేపథ్యాన్ని బట్టే టైటిల్ నిర్ణయిస్తామని, ప్రస్తుతం టైటిల్ లేదా కథ మార్చే ప్రసక్తి లేదని స్పష్టం చేశారు. ఇది ఏ ప్రాంతానికో పరిమితమైన కథ కాదని, ప్రతి కుటుంబానికి అన్వయించే కథ అని అన్నారు. సోషల్ మీడియాలో అనవసర వివాదాలు సృష్టించడం సరికాదని సూచించారు. సినిమా విడుదలైన తర్వాత ప్రేక్షకులే తీర్పు చెబుతారన్నారు. ప్రియదర్శి, నాగదుర్గ ప్రధాన పాత్రల్లో నటించిన ఈ చిత్రానికి వంశీరెడ్డి దొండపాటి దర్శకత్వం వహించారు. ‘ఇడుపు కాయితం’ అంటే భార్యాభర్తలు పెద్దల సమక్షంలో చేసుకునే విడాకుల ఒప్పంద పత్రం.