బ్రిటన్ ప్రధాని కీర్ స్టార్మర్ రాజీనామా చేశారు. లేబర్ పార్టీలో పెరిగిన అసంతృప్తి, స్థానిక ఎన్నికల్లో పార్టీ పేలవ ప్రదర్శన, మేకర్‌ఫీల్డ్ ఉపఎన్నికలో ఆండీ బర్న్‌హామ్ విజయం నేపథ్యంలో ఆయనపై ఒత్తిడి పెరిగింది. తన నాయకత్వంపై సొంత పార్టీ ఎంపీలు విశ్వాసం కోల్పోయారని అంగీకరిస్తూ పదవికి వైదొలుగుతున్నట్లు ప్రకటించారు. వలసలు, ఇంధన విధానాలపై విమర్శలు, పీటర్ మాండెల్సన్ నియామక వివాదం కూడా ఆయనకు ఇబ్బందులు తెచ్చాయి. 2024లో ప్రధాని అయిన స్టార్మర్ రాజీనామాతో గత పదేళ్లలో బ్రిటన్‌లో రాజీనామా చేసిన ప్రధానుల సంఖ్య 6కు చేరింది.