విజయ్ దేవరకొండ తన సొంత ఊరికి ఇచ్చిన మాటను నిలబెట్టుకుంటూ "దేవరకొండ ఫౌండేషన్" ఆధ్వర్యంలో ప్రతిభ గల పేద విద్యార్థులకు స్కాలర్‌షిప్స్ అందజేశారు. అచ్చంపేట డివిజన్ పరిధిలోని 45 ప్రభుత్వ పాఠశాలల్లో 180 మంది మెరిట్ విద్యార్థులకు ఉపకార వేతనాలు పంపిణీ చేశారు. 9వ, 10వ తరగతుల్లో ప్రథమ, ద్వితీయ ర్యాంకులు సాధించిన విద్యార్థులు ఈ స్కాలర్‌షిప్స్‌కు ఎంపికయ్యారు. ఏటా ఈ స్కాలర్‌షిప్స్‌ను కొనసాగిస్తామని, తెలంగాణ వ్యాప్తంగా ప్రతిభ ఉన్న పేద విద్యార్థులకు అండగా నిలవడం తన కల అని విజయ్ దేవరకొండ తెలిపారు.