బూర్గంపాడు మండలం సారపాక పరిధిలో వీధి కుక్కలు, కోతుల సంచారం ప్రజలకు తీవ్ర ఇబ్బందులు కలిగిస్తోంది. చేతిలో కవర్లు లేదా ఆహార పదార్థాలు పట్టుకుని బయటకు వెళ్లే వారిపై కుక్కలు, కోతులు ఎగబడుతున్నాయని స్థానికులు ఆవేదన వ్యక్తం చేస్తున్నారు. వాటిని తరిమే ప్రయత్నం చేసిన వారిపై దాడి చేసి కరుస్తున్న ఘటనలు పెరుగుతున్నాయని తెలిపారు. గోదారమ్మ క్యాంపులో గత వారం రోజుల్లో నలుగురిని వీధి కుక్కలు కరవగా, తాజాగా ఈరోజు మరో మహిళపై దాడి చేసి గాయపరిచాయి. వెంటనే అధికారులు స్పందించి వీధి కుక్కలు, కోతుల నియంత్రణకు చర్యలు చేపట్టాలని గ్రామ ప్రజలు కోరుతున్నారు.