పాల్వంచ 4వ డివిజన్‌కు ఆనుకుని ఉన్న గ్రామపంచాయతీ పరిధిలోని చర్చి కాంపౌండ్‌లో రాత్రి వీచిన బలమైన గాలులకు ఆరోగ్య మాత చర్చ్ గోడ కూలి ఎలక్ట్రికల్ తీగలపై పడింది. దీంతో 4వ డివిజన్‌లోని రాహుల్ గాంధీ నగర్, వెంగళరావు కాలనీ, ప్రశాంత్ కాలనీ ప్రాంతాల ప్రజలు తీవ్ర ఇబ్బందులు ఎదుర్కొన్నారు. రహదారి రాకపోకలకు అంతరాయం కలగడంతో స్థానికులు ఆందోళన చెందారు. సమాచారం అందుకున్న 4వ డివిజన్ కార్పొరేటర్ చెరుకు భాగ్యలక్ష్మి వెంటనే స్పందించి ఎలక్ట్రికల్, సివిల్ అధికారులతో మాట్లాడి సమస్యను పరిష్కరించారు. దీంతో కాలనీవాసులు ఊపిరి పీల్చుకున్నారు.