గువ్వలదొడ్డి గ్రామంలో హెచ్‌పీవీ వ్యాక్సిన్‌పై అవగాహన కార్యక్రమం నిర్వహించారు. ఈ సందర్భంగా సీఆర్పీఎఫ్ కన్వీనర్ లింగన్న మాట్లాడుతూ ప్రభుత్వం ఉచితంగా అందిస్తున్న హెచ్‌పీవీ టీకా గర్భాశయ క్యాన్సర్‌తో పాటు వైరస్ కారణంగా వచ్చే పలు క్యాన్సర్ల నివారణకు ఉపయోగపడుతుందని తెలిపారు. ముఖ్యంగా 14 ఏళ్లలోపు బాలికలు తప్పనిసరిగా ఈ వ్యాక్సిన్ వేయించుకోవాలని సూచించారు. ఎలాంటి భయాందోళనలు లేకుండా ముందస్తు జాగ్రత్తగా టీకా తీసుకోవాలని విద్యార్థులకు అవగాహన కల్పించారు.