నిర్మల్: బక్రీద్ పండుగ సందర్భంగా పశువుల అక్రమ రవాణాను అరికట్టేందుకు నిర్మల్ జిల్లా వ్యాప్తంగా పోలీసులు విస్తృత తనిఖీలు చేపట్టారు. ఈ నేపథ్యంలో గంజాల్ టోల్ ప్లాజా వద్ద ఏర్పాటు చేసిన చెక్‌పోస్ట్‌ను జిల్లా ఎస్పీ జి. జానకి షర్మిల పరిశీలించారు. పశువుల అక్రమ రవాణాను అరికట్టడంలో ఎలాంటి నిర్లక్ష్యం ఉండకూడదని, చట్ట విరుద్ధ కార్యకలాపాలపై కఠిన చర్యలు తీసుకోవాలని పోలీస్ సిబ్బందికి ఎస్పీ సూచించారు. ప్రజలు కూడా అనుమానాస్పద రవాణా గమనించినట్లయితే వెంటనే పోలీసులకు సమాచారం అందించాలని ఎస్పీ కోరారు.