కొత్తగూడెం ప్రాజెక్టు పరిధిలోని న్యూ గొల్లగూడెం సెక్టార్ మేదర్ బస్తిలో ఉన్న అంగన్వాడి కేంద్రం-3లో పోషణ పక్వాడ కార్యక్రమం సందర్భంగా పోషకాహారంపై అవగాహన కార్యక్రమాన్ని నిర్వహించారు. ఈ కార్యక్రమానికి ముఖ్య అతిథులుగా కార్పొరేటర్ భానోత్ కళావతి, సూపర్వైజర్ సరోజినీ హాజరై తల్లి–శిశు ఆరోగ్యం, సమతుల ఆహారం ప్రాముఖ్యత, పిల్లల ఎదుగుదలకు అవసరమైన పోషకాహార అలవాట్ల గురించి వివరించారు. గర్భిణీలు, బాలింతలు, చిన్నారుల తల్లులు ఆరోగ్యంపై ప్రత్యేక శ్రద్ధ తీసుకోవాలని వారు సూచించారు. అంగన్వాడి టీచర్లు ధనలక్ష్మి, మంజుల, రఫియా, శశికళ, ఆయాలు, పలువురు తల్లులు పాల్గొని పోషకాహారం అవసరంపై అవగాహన పెంపొందించుకున్నారు.