బొర్రా పంచాయతీలో పెసా గ్రామ సభలో జిప్‌లైన్ ఏర్పాటు అంశంపై కీలక నిర్ణయం తీసుకున్నారు. పెసా చట్టం ప్రకారం గ్రామ పంచాయతీ తీర్మానం లేకుండా జిప్‌లైన్‌కు అనుమతి ఇవ్వబోమని సర్పంచ్ జన్ని అప్పారావు, ఎంపిటిసి కురిసేలా అరుణ నవీన్ స్పష్టం చేశారు. జిప్‌లైన్‌తో పాటు ఇతర నిర్వహణ కార్యక్రమాలు చేపట్టాలంటే ముందుగా పెసా గ్రామ పంచాయతీ తీర్మానం పొందాల్సిందేనని తెలిపారు. గ్రామ పంచాయతీ ఆధ్వర్యంలోనే అన్ని కార్యక్రమాలు నిర్వహించాల్సి ఉంటుందని పేర్కొన్నారు. గ్రామ పంచాయతీ అనుమతి లేకుండా చేపట్టే నిర్మాణాలను అక్రమ కట్టడాలుగా పరిగణించి ఉపేక్షించబోమని హెచ్చరించారు. ఈ సమావేశంలో పెసా కమిటీ సభ్యులు, వార్డు మెంబర్లు, గ్రామస్తులు పాల్గొన్నారు. గ్రామ ప్రయోజనాలను కాపాడే విధంగా ప్రతి నిర్ణయం తీసుకుంటామని సభలో స్పష్టం చేశారు.