BPCL సరికొత్త ‘భారత్ గ్యాస్ లైట్’ పేరుతో కంపోజిట్ ప్లాస్టిక్ గ్యాస్ సిలిండర్లను ప్రవేశపెట్టింది. హై డెన్సిటీ పాలిథిలిన్‌తో తయారైన ఈ సిలిండర్లు బరువు తక్కువగా, భద్రత ఎక్కువగా ఉంటాయి. గ్యాస్ నిండినప్పటికీ మొత్తం బరువు కేవలం 15.9 కిలోలు మాత్రమే. 120 కిలోల ప్రెజర్‌ను తట్టుకునే సామర్థ్యం వీటికి ఉంది. గ్యాస్ లెవల్‌ను బయట నుంచే చూడొచ్చు. గోవాలో లాంచ్ చేసిన ఈ సిలిండర్లు త్వరలో హైదరాబాద్‌కు రానున్నాయి. పాత ఇనుప సిలిండర్ ఇచ్చి కొత్తదాన్ని తీసుకుంటే కేవలం రూ.300 మాత్రమే చెల్లిస్తే సరిపోతుంది.