మంత్రి కొండా సురేఖ త‌క్ష‌ణ‌మే త‌న ప‌ద‌వికి రాజీనామా చేయాల‌ని డిమాండ్ చేశారు మాజీ ఎమ్మెల్యే న‌న్న‌ప‌నేని న‌రేందర్. గ‌త ఎన్నిక‌ల్లో రూ. 70 కోట్లు ఖ‌ర్చు చేసి గెలిచామ‌ని సురేఖ భ‌ర్త కొండా ముర‌ళి చెప్ప‌డం పూర్తిగా ప్ర‌జాస్వామ్య విరుద్ద‌మ‌న్నారు. ఆయ‌న అహంకారానికి నిద‌ర్శ‌న‌మ‌న్నారు. కొండా దంప‌తులు భార‌త రాజ్యాంగాన్ని అప‌హాస్యం చేశార‌ని ఆవేద‌న వ్య‌క్తం చేశారు. అందుకే త‌నను అన‌ర్హురాలిగా ప్ర‌క‌టించాల‌ని కోరుతూ ఈసీకి ఫిర్యాదు చేశామ‌న్నారు.