కామారెడ్డి: డిజిటల్ యుగంలో సైబర్ నేరాలు పెరుగుతున్న నేపథ్యంలో ప్రజలు, ఉద్యోగులు అప్రమత్తంగా ఉండాలని కామారెడ్డి పట్టణ ఇన్‌స్పెక్టర్ నరహరి సూచించారు. ఆధార్, పాన్ వంటి వ్యక్తిగత వివరాలను అపరిచితులతో పంచుకోవద్దని, అనుమానాస్పద లింకులను క్లిక్ చేయవద్దని హెచ్చరించారు. సైబర్ మోసానికి గురైతే వెంటనే 1930 హెల్ప్‌లైన్ నంబర్‌కు ఫిర్యాదు చేయాలని తెలిపారు. సకాలంలో ఫిర్యాదు చేయడం ద్వారా ఆర్థిక నష్టాన్ని నివారించే అవకాశం ఉంటుందని వివరించారు. పిల్లల ఆన్‌లైన్ కార్యకలాపాలపై తల్లిదండ్రులు నిరంతరం పర్యవేక్షణ ఉంచాలని కోరారు.