రాయికల్‌ మండలం భూపతిపూర్‌కు చెందిన ఉపాధ్యాయుడు బొల్లె చిన్నయ్యకు గౌరవ డాక్టరేట్‌ లభించింది. విద్యారంగంలో 31 ఏళ్లుగా సేవలందిస్తూ విద్యార్థుల అభ్యున్నతికి కృషి చేస్తున్నందుకు అమెరికాలోని లూసియానా యూనివర్సిటీ ఆయనకు ఈ పురస్కారాన్ని ప్రదానం చేసింది. ఆదివారం పుణెలో నిర్వహించిన కార్యక్రమంలో చిన్నయ్య ఈ గౌరవాన్ని అందుకున్నారు. ఆయనకు గౌరవ డాక్టరేట్‌ లభించడంపై ఉపాధ్యాయ సంఘాల నాయకులు, సహచర ఉపాధ్యాయులు, గ్రామస్థులు అభినందనలు తెలిపారు.