మల్యాల మండలం రామన్నపేటలో ఏవో చంద్రదీపక్‌ ఆధ్వర్యంలో ఖేత్‌ బచావో అభియాన్‌ నిర్వహించారు. ఎల్‌నినో ప్రభావంతో పంటలకు నష్టం కలగకుండా ముందస్తు చర్యలు తీసుకోవాలని రైతులకు సూచించారు. వరి అవశేషాలను కాల్చకుండా పశుగ్రాసంగా వినియోగించాలని లేదా నేలలో కలియదున్నాలని తెలిపారు. యాసంగిలో నీటి కొరత దృష్ట్యా వరికి బదులుగా మొక్కజొన్న, పెసర, శనగ వంటి ఆరుతడి పంటలు సాగు చేయాలని సూచించారు. వరి పంటలో కంకి నల్లి నివారణకు తగిన మందులు పిచికారీ చేయాలని పేర్కొన్నారు. కార్యక్రమంలో ఉద్యాన అధికారి మంజువాణి, ఆయిల్‌పామ్‌ మేనేజర్‌ రాజ్‌కుమార్‌, సర్పంచ్‌ మౌర్య, పీఏసీఎస్‌ చైర్మన్‌ సతీష్‌, రైతులు పాల్గొన్నారు.