శ్రీకాళహస్తిలో స్థానిక సంస్థల ఎన్నికల నామినేషన్ల సందర్భంగా వైకాపా, టీడీపీ శ్రేణుల మధ్య జరిగిన తోపులాటపై ఎమ్మెల్యే బొజ్జల సుధీర్‌రెడ్డి స్పందించారు. ఈ ఘటనపై నిర్వహించిన విలేకరుల సమావేశంలో ఆయన మాట్లాడుతూ.. నామినేషన్‌ కేంద్రం వద్ద అభ్యర్థితో పాటు ఇద్దరికి మాత్రమే అనుమతి ఉన్నప్పటికీ, మాజీ ఎమ్మెల్యే బియ్యపు మధుసూదన్‌రెడ్డి వందలాది మంది వైకాపా నాయకులు, కార్యకర్తలతో వచ్చి హంగామా చేశారని ఆరోపించారు. శ్రీకాళహస్తిలో ఇలాంటి అరాచకాలకు తావులేదని ఆయన పేర్కొన్నారు.