నిర్మల్: నిర్మల్‌లోని సాగర్ కాలనీలో సద్దుల బతుకమ్మ వేడుకలను ఘనంగా నిర్వహించారు. చివరి రోజు సందర్భంగా మహిళలు రంగురంగుల బతుకమ్మలను పేర్చి, సంప్రదాయ పాటలతో సందడి చేశారు. మహిళలతో పాటు చిన్నారులు, యువతులు, పెద్దలు ఉత్సాహంగా పాల్గొన్నారు. అనంతరం నిర్వహించిన దాండియా నృత్యాలు ప్రత్యేక ఆకర్షణగా నిలిచాయి. చిన్నా పెద్దా తేడా లేకుండా అందరూ కలిసి నృత్యాలు చేస్తూ పండుగ సంబరాలను ఆస్వాదించారు. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ వేడుకలు కాలనీలో ఆనందోత్సాహాల మధ్య ముగిశాయి.