గిద్దలూరు: మున్సిపల్ ఎన్నికల నామినేషన్ల ప్రక్రియ ప్రశాంతంగా ముగిసింది. మొత్తం 140 నామినేషన్లు దాఖలైనట్లు సమాచారం. వీటిలో చైర్మన్ అభ్యర్థులుగా 17 మంది, వార్డు కౌన్సిలర్ స్థానాలకు 123 మంది నామినేషన్లు సమర్పించారు. వార్డు కౌన్సిలర్ స్థానాలకు వైఎస్సార్ కాంగ్రెస్ పార్టీ నుంచి 54, తెలుగుదేశం పార్టీ నుంచి 42, జనసేన నుంచి 9, బీజేపీ నుంచి 2, బీఎస్పీ నుంచి 2, సీపీఎం నుంచి ఒకరు నామినేషన్ వేశారు. స్వతంత్ర అభ్యర్థులుగా 13 మంది బరిలో నిలిచారు. నామినేషన్ల గడువు ముగియడంతో ఎన్నికల తదుపరి ప్రక్రియపై ఆసక్తి నెలకొంది.