గిద్దలూరు: మున్సిపల్ ఎన్నికల రెండో రోజు నామినేషన్ల ప్రక్రియ ప్రశాంతంగా ముగిసింది. రెండో రోజు మొత్తం 50 నామినేషన్ దరఖాస్తులు అందినట్లు సహాయ ఎన్నికల అధికారి రమణబాబు తెలిపారు. వీటిలో మున్సిపల్ చైర్మన్ అభ్యర్థిగా వైఎస్సార్ కాంగ్రెస్ పార్టీ తరఫున ఒక నామినేషన్ దాఖలైంది. వార్డు సభ్యుల స్థానాలకు 49 దరఖాస్తులు అందాయి. వీటిలో తెలుగుదేశం పార్టీ నుంచి 27, వైఎస్సార్ కాంగ్రెస్ పార్టీ నుంచి 18, స్వతంత్ర అభ్యర్థులుగా నలుగురు నామినేషన్లు సమర్పించారు. ఎన్నికల ప్రక్రియ ఎలాంటి అవాంఛనీయ ఘటనలు లేకుండా ప్రశాంతంగా కొనసాగింది.