కోరుట్ల ఎమ్మెల్యే సంజయ్ కథలాపూర్ నుంచి వేములవాడకు వెళ్తున్న సందర్భంగా కథలాపూర్ మండల కేంద్రంలోని బీఆర్‌ఎస్ నాయకులు శాలువాతో ఘనంగా సత్కరించారు. అనంతరం ఇటీవల రోడ్డు ప్రమాదంలో గాయపడిన చిన్నారెడ్డిని ఎమ్మెల్యే పరామర్శించి ఆరోగ్య పరిస్థితిని అడిగి తెలుసుకున్నారు. రాష్ట్ర మార్క్‌ఫెడ్ మాజీ చైర్మన్ లోక బాపురెడ్డి ఆధ్వర్యంలో ఏర్పాటు చేసిన తేనేటి విందులో పాల్గొన్నారు. మండలానికి సంబంధించిన పలు సమస్యలను ఎమ్మెల్యే దృష్టికి తీసుకెళ్లారు. మాజీ మార్కెట్ కమిటీ చైర్మన్ నాగేశ్వరరావు, గ్రామ కమిటీ అధ్యక్షుడు గంగారెడ్డి, మాజీ కో-ఆప్షన్ సభ్యుడు రఫీ, మండల అధ్యక్షుడు కల్లెడ శంకర్, అల్లె సంతోష్, తిరుపతి రెడ్డి తదితరులు పాల్గొన్నారు.