మళయాల స్టార్ మోహన్‌లాల్‌ ఆదాయపు పన్ను శాఖకు గతంలో సమర్పించిన వాలంటరీ డిస్క్లోజర్ స్కీమ్ నివేదిక ప్రకారం.. ఆయన వద్ద మొత్తం 10 ఏనుగు దంతాలు, 13 దంతపు విగ్రహాలు ఉన్నట్లు అధికారికంగా డిక్లేర్ చేసిన పత్రాలు ఇప్పుడు కేరళ హైకోర్టు ముందుకొచ్చాయి. 2011లో మోహన్‌లాల్ ఇళ్లు, ఆఫీసుల‌పై ఐటీ శాఖ అధికారులు నిర్వహించిన‌ సోదాల్లో కొచ్చిలోని ఆయన నివాసంలో 4 ఏనుగు దంతాలు లభ్యమయ్యాయి. వన్యప్రాణి సంరక్షణ చట్టం ప్రకారం అనుమతి లేకుండా ఏనుగు దంతాలను కలిగి ఉండటంతో అటవీ శాఖ ఆయనపై కేసు పెట్టింది. ఈ కేసుపై కోర్టులో సుదీర్ఘంగా వాదనలు జరుగుతున్నాయి.