కోరుట్ల: అయిలాపూర్ గ్రామానికి చెందిన బీటెక్ విద్యార్థి రాహుల్ మృతి విషాదాన్ని మిగిల్చింది. హైదరాబాద్‌లో అదృశ్యమైన రాహుల్ కోసం కుటుంబ సభ్యులు ఆందోళన చెందుతుండగా, అతని మృతదేహం ప్రకాశం జిల్లా సింగరాయకొండ సమీపంలోని ఓ బావిలో లభ్యమైంది. ప్రాథమిక సమాచారం ప్రకారం రాహుల్ ఆత్మహత్య చేసుకున్నట్లు తెలుస్తోంది. అయితే ఈ ఘటనకు గల కారణాలు ఇంకా తెలియరాలేదు. సమాచారం అందుకున్న పోలీసులు కేసు నమోదు చేసి దర్యాప్తు చేపట్టారు. రాహుల్ మృతితో అయిలాపూర్ గ్రామంలో విషాదఛాయలు అలుముకున్నాయి. పూర్తి వివరాలు తెలియాల్సి ఉంది.