అమెరికా వెళ్లిన తెలంగాణకు చెందిన యువకుడు కుంచ అన్షుల్ దారుణ హత్యకు గురయ్యాడు. మేడ్చల్-మల్కాజ్‌గిరి జిల్లా గుండ్లపోచంపల్లికి చెందిన అన్షుల్ అమెరికాలోని నార్త్ ఫిలడెల్ఫియాలో పిజ్జా డెలివరీ బాయ్‌గా పనిచేస్తున్నాడు. విధుల్లో భాగంగా పిజ్జా డెలివరీ చేసేందుకు వెళ్లిన సమయంలో గుర్తుతెలియని దుండగులు అతడిపై కాల్పులు జరిపారు. ఈ ఘటనలో తీవ్రంగా గాయపడిన అన్షుల్ అక్కడికక్కడే మృతి చెందాడు. కుమారుడి మరణవార్తతో కుటుంబ సభ్యులు విషాదంలో మునిగిపోయారు. అన్షుల్ మృతదేహాన్ని వీలైనంత త్వరగా స్వదేశానికి రప్పించేలా ప్రభుత్వం, భారత అధికారులు చొరవ తీసుకోవాలని కుటుంబ సభ్యులు విజ్ఞప్తి చేస్తున్నారు.