బీఆర్ఎస్ కీలక నేత, చెన్నూరు మాజీ ఎమ్మెల్యే బాల్క సుమన్‌ను పోలీసులు అరెస్ట్ చేశారు. సింగరేణి అంశంపై చేసిన వ్యాఖ్యల నేపథ్యంలో ఆయనను అదుపులోకి తీసుకుని నాంపల్లి కోర్టుకు తరలించారు. అరెస్ట్‌కు ముందు తెలంగాణ భవన్‌లో మీడియాతో మాట్లాడిన బాల్క సుమన్, ప్రభుత్వాన్ని ప్రశ్నించినందుకే తనపై చర్యలు తీసుకుంటున్నారని ఆరోపించారు. తెలంగాణ ఉద్యమం నుంచి ఇప్పటివరకు తనపై వందలాది కేసులు నమోదయ్యాయని తెలిపారు. సింగరేణిలో వారసత్వ ఉద్యోగాల హామీపై ప్రశ్నించినందుకే తనను లక్ష్యంగా చేసుకున్నారని పేర్కొన్నారు. కాంగ్రెస్ ప్రభుత్వం చేస్తున్న మోసాలను ప్రశ్నిస్తూనే ఉంటామని ఆయన స్పష్టం చేశారు.