చర్లపల్లి-ఘటకేసర్‌ మధ్య రైల్వేట్రాక్‌పై తల్లీబిడ్డలు విజయరెడ్డి, చేతనరెడ్డి, విశాలరెడ్డి ఆత్మహత్యకు కారణాలు పోలీసులకు అంతు చిక్కట్లేదు. ఈ ఘటనపై విజయరెడ్డి భర్త సురేందర్‌రెడ్డి మాట్లాడుతూ, తమ కుటుంబంలో ఎలాంటి సమస్యలూ లేవన్నారు. విజయరెడ్డి చాలా ధైర్యవంతురాలని, ఆమెకు పిల్లలపై ప్రేమ ఎక్కువని చెప్పారు. ఎందుకు ఆత్మహత్య చేసుకోవాల్సి వచ్చిందో అర్థం కావట్లేదన్నారు. ఈ ఘటనలో ఎవరిపైనా అనుమానం లేదని ఆయ‌న‌ చెప్పారు.