లే ఔట్ ఏదైనా అందులోని పార్కులు, ర‌హ‌దారులు మార‌వ‌ని స్ప‌ష్టం చేశారు హైడ్రా క‌మిష‌న‌ర్ రంగ‌నాథ్. ప్ర‌జావ‌స‌రాల‌కు ఉద్దేశించిన స్థ‌లాల‌ను కాపాడ‌డం ప్ర‌భుత్వ బాధ్య‌త అని అన్నారు. 10 శాతం ప్లాట్లు రిజిస్ట్రేష‌న్ అయితే ఆ లేఔట్ల‌ను గుర్తించాల్సిన అవ‌స‌రం ఉంద‌న్నారు. అందులో మార్పులు చేయాల్సి ఉంటే..అప్ప‌టికే ప్లాట్ల కొన్న‌వారి అనుమ‌తితో రివైజ్ చేయాల్సి ఉంద‌ని అభిప్రాయ‌ప‌డ్డారు. అలాగే 10 శాతం పార్కులు, ప్ర‌జావ‌స‌రాల‌కు కేటాయించాల్సి ఉంద‌ని పేర్కొన్నారు.