ఆశవర్కర్లకు ఆదివారం సెలవుగా పరిగణించడంతో పాటు పండుగ సెలవులను సైతం మంజూరు చేస్తున్నట్లు వైద్య, ఆరోగ్య-కుటుంబ సంక్షేమ కమిషనర్‌ కర్ణన్‌ ప్రకటించారు. ఈ నిర్ణయాన్ని తక్షణమే అమలు చేస్తామన్నారు. ఆశవర్కర్లకు విధించే టార్గెట్లతోపాటు స్పూటమ్‌ డబ్బాలు మోసే విధానాన్ని రద్దు చేస్తున్నట్లు చెప్పారు. కుష్టు వ్యాధి నివారణ, పల్స్‌పోలియోకు సంబంధించిన పెండింగ్‌ డబ్బులను వారికి త్వరలోనే చెల్లిస్తామన్నారు. ఈ మేరకు తెలంగాణ ఆశవర్కర్స్‌ యూనియన్‌ జయలక్ష్మి సహా ఇతర ప్రతినిధులతో చర్చించారు.